THIRRJE PËR SHPREHJE INTERESI PËR ZBATIMIN E PROJEKTIT “DIVE IN ART”

THIRRJE PËR SHPREHJE INTERESI PËR EKSPERTIZËN E JASHTME NË KUADËR TË PROJEKTIT “OFRIMI I SHËRBIMEVE TË MBËSHTETJES TEKNIKE PËR BASHKINË SARANDË PËR ZBATIMIN E PROJEKTIT “ZHVILLIMI I PËRVOJAVE DIGJITALE DHE INTERAKTIVE TË TREGIMIT NË GALERITË E ARTIT DHE MUZETË”, ME AKRONIMIN “DIVE IN ART”

 

FTESË E HAPUR PËR TENDER

 

Titulli i Kontratës:  Ofrimi i Shërbimeve të Mbështetjes Teknike për Bashkinë Sarandë për zbatimin e projektit “Zhvillimi i përvojave digjitale dhe interaktive të tregimit në galeritë e artit dhe muzetë”, me akronimin “DIVE IN ART”

 

Vendndodhja: Sarandë, Shqipëri

Buxheti total: EUR me TVSH:

Loti 1: Menaxhimi i Projektit: 9,500 €

Loti 2: Organizim Eventesh & Komunikim: 22,220 €

Loti 3: Aktivitetet / Ndërhyrjet Teknike: 59,000 €

 

LOT (s): 3

 

Procedure: PRAG 2025 e thjeshtuar me ftesë të hapur dhe publikim lokal

 

Dosja e Tenderit — Kërkesë për pjesëmarrje

 

Dosja e plotë e tenderit sipas PRAG 2025 është e disponueshme me kërkesë të kontraktorëve të interesuar në adresën tonë zyrtare të emailit duke përmendur numrin REF të prokurimit dhe duke dhënë detaje të plota të tenderuesve (persona fizikë/entet private/konsorciume) për të marrë dosjen dhe çdo përditësim/sqarim) gjatë periudhës së prokurimit.

 

Dosja e plotë e tenderit, bazuar në PRAG 2025, përfshin:

 

A.          Udhëzime për tenderuesit dhe njoftimi i kontratës

 

B.           Projektmarrëveshja e kontratës dhe kushtet e veçanta me anekset:

 

    1. Kushtet e përgjithshme për kontratat e shërbimit
    2. Kushtet e referencës
    3. Organizimi dhc metodologjia (të dorezohet nga tenderuesi duke përdorur shabllonin e
      dhënë)
    4. Anëtarët e ekipit të projektit (duke përfshirë shabllonet për listën përmbledhëse dhe
      CV-të e tyre)
    5.  Buxheti (të dorëzohet nga tenderuesi si ofertë financiare duke përdorur shabllonin e
      dhënë)
    6. Formularët dhe dokumentet e tjera mbështetëse

 

C.             Informacione të tjera:

    1. Rrjeti i perputhshmerisë administrative
    2. Rrjeti i vlerësimit

 

D.             Formulari i paraqitjes së tenderit dhe deklarata e nderit për kriteret e përjashtimit dhe përzgjedhjes

 

Për detaje të plota të procedurave të tenderimit, ju lutemi shikoni udhëzuesin praktik dhe anekset e tij, të cilat mund të shkarkohen nga faqja e mëposhtme e internetit:

 

https://wikis.ec.europa.eu/display/ExactExternalWiki/ePRAG

 

Presim me interes ofertën tuaj, e cila duhet të dërgohet jo më vonë se afati i përcaktuar në pikën 8 të Udhëzimeve për Ofertuesit. Ju lutemi ta dërgoni atë në adresën dhe sipas kërkesave të përcaktuara në pikën 8.

 

Me dorëzimin e një oferte, ju pranoni të merrni njoftimin mbi rezultatin e procedurës me mjete elektronike. Ky njoftim do të konsiderohet i marrë në datën kur autoriteti kontraktues e dërgon atë në adresën elektronike të deklaruar në ofertën tuaj.

Nëse vendosni të mos paraqisni ofertë, do të vlerësonim shumë nëse do të na njoftonit me shkrim, duke treguar arsyet e vendimit tuaj.

 

Bashkëngjitur materialet (kliko për dokumentin).

 

 

THIRRJE PËR APLIKIME PER STATUSIN “PRONAR SOCIAL”

Bashkia Sarandë shpall Thirrjen për aplikime për të gjitha subjektet publike e private të cilët janë të interesuar për të fituar statusin “Pronar Social” ne zbatim të nenit 23, pika 2 të ligjit nr.22.2018 “Për Strehimin Social”, i ndryshuar Ligji Nr. 48/2023 “Për disa ndryshime dhe shtesa në Ligjin Nr. 22/2018”.

“Pronar Social” është çdo subjekt publik, përveç njësive të vetëqeverisjes vendore, si edhe çdo subjekt privat, që investon në banesa sociale me qira ose që disponon banesa për t’i dhënë me qira, për familjet në nevojë për strehim.

Pronari Social mbështet nëpërmjet financimeve për subvencionimin e qerasë për familjet përfituese të miratuar nga Këshilli Bashkiak

Çdo subjekt publik apo privat që disponon banesa për t’i dhënë me qira për familjet ne nevojë për strehim, mund të aplikojë pranë bashkësisë për t’u regjistruar si “Pronar Social” nëse plotëson kriteret e mëposhtme:

  1. Banesa plotëson kushtet teknike dhe normat e strehimit në fuqi.
  2. Qeraja e banesës nuk është më e lartë se qeraja mesatare në tregun e lirë
  3. Nënëshkrimi i një deklarate që nuk do të refuzojë qiramarrës për arsye që përbëjnë diskriminim
  4. Nënëshkrimi i një marrëveshje ndërmjet pronarit social dhe bashkisë që parashikon:
  • Afatin e marrëveshjes që nuk mund të jetë më pak se tre vjet
  • Masën e qerasë mujore dhe mënyrën e shlyerjes së saj
  • Mënyrën e administrimit të pronës dhe të mardhënieve me qeramarrësin

Dokumentacioni i nevojshëm:

  1. Deklaratë për shprehje interesi për të aplikuar si “Pronar Social”
  2. Shprehje të dakortësisë që nuk do të refuzojë qiramarrës për arsye diskriminuese
  3. Vërtetetim pronësie mbi banesën/ banesat në pronësi që jepen me qera për familjet në nevojë për strehim
  4. Ekstrakt QKR-së për personat fizik/juridik
  5. Fotokopje e kartës së ID
  6. Adresë të saktë

Afati i aplikimeve deri më 28.02.2026

Aplikimet të dorëzohen pranë zyrës së informacionit pranë Bashkisë Sarandë

 

NJOFTIM PER MBLEDHJEN E KESHILLIT BASHKIAK DATE 23.12.2025

NJOFTIM

 

Ju njoftojmë se ditën e martë më datë 23.12.2025 ora12:00, në sallën e mbledhjeve të Këshillit Bashkiak zhvillohet mbledhja e radhës e Këshillit të Bashkisë, e thirrur nga Kryetari i Këshillit në bazë të Ligjit 139/2015, neni 53 pika 4), me këtë rend dite:

1. P/vendim“Për përdorimin e fondit të kushtëzuar për ndihmën ekonomike deri në 6 % për muajin Nëntor 2025”.
2. P/vendim“Për dhënien e ndihmës ekonomike nga të ardhurat e Bashkisë për mujin Nëntor 2025”.
3. P/vendim“Për miratimin e kërkesës për transferimin në pronësi të Bashkisë Sarandë ,të pasurisë me nr.395,nr.409,nr.432,nr.430,nr.441 me sipërfaqe 328.534 m2 zona kadastrale 1722”.
4. P/vendim“Për miratimin në parim të vlerës financiare të shpronësimit prej 49.256 (dyzet e nëntë mijë e dyqind e pesëdhjetë e gjashtë) lekë për pasuritë pronë private , që preken nga investimi  publik me objekt “ndërtimi i urës së Metoqit”, fshati Metoq, Sarandë”
5. P/vendim“Për miratimin e detajimit të buxhetit të vitit 2026 dhe programin buxhetor afatmesëm 2026 – 2028 për Bashkisë Sarandë”.
6. P/vendim“ Për korrigjimin e gabimeve materiale”.
7. Informacion mbi raportin e performancës së Bashkisë Sarandë për vitin 2024.

 

MBLEDHJET E KOMISIONEVE

• Komisioni i barazisë gjinore dhe mirëqënies sociale, do të zhvillojë mbledhjen në datë 18 Dhjetor, ora 10:00.
• Komisioni i ekonomisë dhe financës, do të zhvillojë mbledhjen në datë 18 Dhjetor, ora 11:00.
• Komisioni i shërbimeve publike, strehimit dhe emergjencave, do të zhvillojë mbledhjen në datë 18 Dhjetor, ora 12:00.
• Komisioni i arsimit,kulturës, sporteve do të zhvillojë mbledhjen në datë 18 Dhjetor, ora 13:00.
• Komisioni i shëndetësisë, veterinarisë e mjedisit, do të zhvillojë mbledhjen në datë 19 Dhjetor, ora 10:00.
• Komisioni i zhvillimit urban, planifikimit të territorit dhe infrastrukturës do të zhvillojë mbledhjen në datë 19 Dhjetor, ora 11:00.
• Komisioni i çështjeve juridike, rendit dhe sigurisë publike, do të zhvillojë mbledhjen në datë 19 Dhjetor, ora 13:00 .
• Komisioni i turizmit, do të zhvillojë mbledhjen në datë 22 Dhjetor, ora 11:00.

 

KRYETAR
ASAF STROKA