BASHKIA SARANDË SHPALL:
THIRRJEN PUBLIKE PËR ORGANIZATAT E SHOQËRISË CIVILE PËR DORËZIMIN E PROJEKT-PROPOZIMEVE NË KUADRIN E ZBATIMIT TË PLANIT TË ARSIMIT PARAUNIVERSITAR, PLANIT TË BARAZISË GJINORE DHE INTEGRITETIT.
Bashkia Sarandë fton të gjitha Organizatat Lokale të Shoqërisë Civile (OSHC-të), që të paraqesin projekt-propozime që janë në përputhje me objektivat zhvillimor dhe prioritetet e Bashkisë si vijon:
- Arsimi Parauniversitar (2.000.000 Lekë)
- Kultura, Edukimi dhe Rinia – Aktivizimi i Qendrës Kulturore si hapësirë mendimi dhe zhvillimi
- Barazia Gjinore dhe Integriteti (1.500.000 Lekë)
- Fuqizimi i grave dhe vajzave në jetën publike dhe vendimmarrje. Promovimi i etikës, transparencës dhe integritetit në komunitet.
Shuma e fondeve për projektet e miratuara do të jetë 3.500.000 Lekë.
Bashkia rezervon të drejtën të mos i alokojë të gjitha fondet që ka në dispozicion në rast se projekt-propozimet e paraqitura nuk i plotësojnë kriteret e përcaktuara. Kohëzgjatja e projektit duhet të zgjasë nga 4 deri në 6 muaj. Projektet e përzgjedhura do të zbatohen në periudhën nga muaji Korrik 2026 deri në muajin Dhjetor 2026.
PËRSHTATSHMËRIA/PRANUESHMËRIA:
Pjesëmarrja në këtë thirrje publike është e hapur, në baza të barabarta, për të gjitha OShC-të e regjistruara zyrtarisht (shoqata/organizata apo fondacion) në përputhje me ligjet dhe rregulloret në fuqi në Shqipëri. Të gjitha organizatat e shoqërisë civile të interesuara mund të gjejnë informacion të hollësishëm rreth kushteve për aplikim si dhe për kriteret për financimin e projekteve në Udhëzimin për Aplikantë (Shtojca 6), pjesë përbërëse e dokumentacionit të thirrjes publike.
DOKUMENTACIONI:
Dokumentacioni i aplikimit për thirrjen publike të Bashkisë Sarandë do të jetë i disponueshëm nga data 10.06.2026 pas dërgimit të një kërkese me e-mail në adresën bashkiasarande@yahoo.com, ku duhet të citoni emrin e organizatës së interesuar; ose duke u paraqitur personalisht në Bashkinë Sarandë, zyra e projekteve, kati i tretë. Të gjitha informacionet e nevojshme, si dhe një version elektronik i paketës së aplikimit mund të gjendet edhe në ëebsite zyrtare të Bashkisë Sarandë.
Pyetje rreth kësaj thirrje mund të bëhen përmes adresës bashkiasarande@yahoo.com, duke iu referuar thirrjes publike. Pyetjet mund të dërgohen deri më 22.06.2025, ndërsa përgjigjet do të jepen me shkrim brenda 5 ditëve pune që nga data e pranimit të pyetjeve përkatëse. Për qëllime transparence, përgjigjet do t’u dërgohen gjithashtu të gjithë aplikantëve të mundshëm, ose do të botohen në faqen e internetit të bashkisë.
DORËZIMI I APLIKIMEVE:
Aplikimet e plotësuara (me të gjithë dokumentet mbështetëse) duhet të dorëzohen në tre (3) kopje fizike dhe një kopje elektronike (USB), të vendosura në një zarf të vulosur mbi të cilin është shkruar referenca e thirrjes publike, përmes postës zyrtare apo personalisht, gjatë ditëve të punës (e hëne – e premte), nga ora 09:00 deri ora 15:00, në adresat në vijim:
Bashkia Sarandë
Zyra e Protokollit
Adresa: Rruga “Abedin Dino”Nr.11
Afati për dorëzimin e aplikimeve është data 30 Qershor 2026 ora 16:00. Aplikimet e dorëzuara në bashki pas këtij afati do të merren parasysh vetëm nëse vula postare tregon se data dhe koha e dërgimit ka qenë para mbylljes së afatit zyrtar. Pjesa e jashtme e zarfit duhet të përmbajë titullin e thirrjes për dorëzimin e propozimeve, emrin dhe adresën e plotë të kandidatit, emrin e plotë të projektit dhe mbishkrimin “Të mos hapet përpara hapjes zyrtare.” Formulari për regjistrimin e dokumentacionit të pranuar lëshohet nga përfaqësuesi i bashkisë. Të gjithë aplikantët që kanë paraqitur propozime, pavarësisht nëse pranohen ose jo, njoftohen me shkrim për vendimin e marrë për projekt-propozimin e tyre brenda 15 ditëve pune nga mbyllja e thirrjes publike. Rezultatet do të publikohen në faqen e internetit të bashkisë dhe/ose në tabelën e njoftimeve të bashkisë.
Bashkëngjitur materialet (kliko për dokumentin):
- SHTOJCA 1 Sarande
- SHTOJCA 6 Sarande
- SHTOJCA 7
- SHTOJCA 8
- SHTOJCA 9
- SHTOJCA 10
- SHTOJCA 11
- SHTOJCA 12
- SHTOJCA 13
- SHTOJCA 14
- Shtojca B. Deklarata e shmangies se konflikitit te interesit
