Ftesë për pjesëmarrje në takimin konsultues për përcaktimin e fushave prioritare, në kuadër të realizimit të aktiviteve të Planeve Vendore të Arsimit dhe Barazisë Gjinore, për organizatat e shoqërisë civile në Bashkinë Sarandë.

 

 

Bashkia Sarandë fton për konsultim public OShC-të, për të përzgjedhur tematikat që do të shërbejnë për vendosjen e përparësive të thirrjes në lidhje me zbatimin e aktiviteteve të planeve vendore të Arsimit dhe Barazisë Gjinore. Për këtë qëllim, bazuar në dokumentët strategjikë ekzistues, Bashkia Sarandë ka përzgjedhur prioritetet më emergjente në planet vendore, të cilat kanë nevojë të konsultohen dhe validohen në bashkëpunim me Organizatat e Shoqërisë Civile.

 

 

Të gjitha OShC-të e interesuara për t’u bërë pjesë ë këtij procesi, janë të ftuara të marrin pjesë në konsultimin publik në përzgjedhjen e përparësive që do të organizohet në datën 18 Maj 2026, ora 11:00 në ambjentin e Bashkisë, Salla e mbledhjeve, Kati i dytë.