Lajme nga Saranda

Dëgjesë publike për Rishikimin e Planit të Përgjithshëm Vendor të Bashkisë Sarandë

Në kuadër të procesit të Rishikimit të Planit të Përgjithshëm Vendor të Bashkisë Sarandë, bazuar në pikën 2 të nenit 26 të Ligjit Nr.107, datë 31.07.2014 “Për Planifikimin dhe Zhvillimin e Territorit”, dhe Vendimit të Këshillit Bashkiak Nr. 07, dt. 27.02. 2020 , “Mbi miratimin e nismës për rishikimin e Planit të Përgjithshëm Vendor”, Bashkia Sarandë fton qytetarët dhe grupet e interesit në dëgjesën publike për t’u njohur dhe diskutuar në lidhje me këtë proces.
Për shkak të situatës së krijuar nga Covid-19 , dëgjesa do të zhvillohet në përputhje të plotë me masat dhe rregullat e vendosura nga Komiteti Teknik i Ekspertëve, ditën e Premte datë 04.12.2020 ora 14:00 në ambjentet e Hotel Grand, Sarandë.

1 Dhjetor 2020 in Lajme nga Saranda

NË DITËN SIMBOL TË LIRISË, HOMAZH DHE NDERIM PËR TË RËNËT

Në ditën simbol të Lirisë, këtë 29 Nëntor, homazhet dhe nderimi për të rënët, u kryen me prani të kufizuar, për shkak të masave antiCovid.
Pranë Lapidarit në Varrezat e Dëshmorëve në Sarandë, u vendosën kurora nga Kryetari i Bashkisë, Adrian Gurma, në emër të Deputetit Alket Hyseni, nga Nënprefekti Mirosh Birjani, nga kryetari i Këshilit Bashkiak Asaf Stroka, në emër të Komisariatit të Policisë, si dhe në emër të Organizatës së Veteranëve të Luftës dhe të Familjeve të Dëshmorëve e të Shoqatës së invalidëve të Luftës.
Homazhi vijoi me kalimin pranë varreve të Heronjve dhe Dëshmorëve të rënë në betejat e luftës për çlirim.

30 Nëntor 2020 in Lajme nga Saranda

Butrinti – Përmeti : 4 – 2

4 ndeshje, 4 fitore, dhe shkëputet i vetëm në krye të renditjes në Kategorinë e Dytë.

Skuadra e Butrintit është duke bërë një sezon mbresëlënës në këtë sezon të ri, duke dhuruar emocione, spektakël dhe fitore.

Në duelin direkt me Përmetin ishin djemtë e drejtuar nga tekniku Milto Gurma, që dolën fitimtarë në stadiumin “Andon Lapa”, duke vijuar serinë e fitoreve.

4 gola për 3 pikët e radhës, i mjaftuan Butrintit për të triumfuar në ndeshjen e sotme përballë Përmetit, me shifrat 4-2.

29 Nëntor 2020 in Lajme nga Saranda