Njoftohen të gjithë fermerët e Bashkisë Sarandë se duke filluar që sot dhe në vazhdim, në mbështetje të Ligjit Nr.7662, datë 19.01.1993 “Për shërbimin e mbrojtjes së bimëve” i ndryshuar dhe Ligjit Nr. 20/23 “Për Bletarinë” spërkatjet me pesticide të agrumeve dhe bimëve të tjera Gjatë periudhës së lulëzimit duhet të fillojnë pas perëndimit të diellit. Në rast moszbatimi të orarit , ndaj personave përgjegjës do të merren masat administrative të nevojshme.
SONY DSC
Në pragun e sezonit tursitik “Verë 2023”, bashkëpunimi mes Bashkisë së Sarandës me Bashkinë Lubeck në Gjermani, është bërë edhe më konkret. Këto ditë, kanë mbërritur 40 kontenjerë të rinj, dhuruar nga partnerët tanë të Lubeck. Pa humbur kohë, ka nisur shpërndarja e tyre në territorin e Bashkisë së Sarandës, duke u dhënë qytetarëve dhe bizneseve, mundësinë e mbulimit më të mirë të disa pikave problematike me kontenjerë. Përforcimi i fundit i shërbimit të pastrimit me kontenjerët e rinj, shoqëruar me angazhimin maksimal të strukturave të shërbimeve publike dhe me ndërgjegjësimin qytetar e të bizneseve, japin siguri se do të kemi një sezon gjatë të cilit do ofrohet turizëm në mjedis e qytet të pastër.
Referuar kuadrit ligjor dhe Kodit Zgjedhor, Kryetari i Bashkisë së Sarandës, Adrian Gurma, me Vendimin Nr. 978 Prot., datë 24.02.2023, ka përcaktuar vendet e lejuara në territorin e Bashkisë Sarandë, ku Partitë Politike e subjektet zgjedhore mund të afishojnë materiale propagandistike.
Për zbatimin e tij dhe koordinimin me subjektet politike e zgjedhore, kanë marrë detyra të veçanta Drejtoria e Shërbimeve Publike dhe Ndërmarrja e Shërbimeve Publike, si dhe Policia Bashkiake.
Në Ditën Ndërkombëtare të Tokës, u organizuan veprimtari ndërgjegjësuese për të qenë miqësor me mjedisin, për të ulur ndotjen dhe shtuar gjelbërimin. Interesante dhe me impakt ishte veprimtaria e organizuar nga Drejtoria e Bujqësisë, Pyjeve dhe Kullotave, Drejtoria e Turizmit dhe Njësia e Integrimit në Bashkinë e Sarandës, duke patur edhe bashkëpunimin e shkollës 9-vjeçare “9 Tetori”. Me nxënësit e kësaj shkolle u organizuan veprimtari edukuese dhe praktike, me slloganin “Mbrojtja e tokës, mjedisit dhe burimeve ujore/ Unë, ti dhe mjedisi”. Gjatë aktivitetit u përcoll mesazhi dhe apeli për ta dashur mjedisin dhe për t’u bërë kontributor për më shumë gjelbërim e më pak ndotje. Kjo u shoqërua me mbjellje fidanash të rinj dhe me pastrimin e organizuar në hapësirën e Plazhit të Ri.
