Lajme nga Saranda

Në muajin kundër trafikimit të qënieve njerëzore, Qendra “Tirana Art” zhvillon projektin “Care and Dare”, qëllimi i të cilit është informimi dhe ndërgjegjësimi i të rinjve mbi parandalimin e këtij trafikimi.
Projekti shtrihet në 12 qytete të vendit, ku një ndër ta është edhe Saranda.
Me mbështetjen e Ambasadës së Mbretërisë së Vendeve të Ulëta në Shqipëri dhe të Bashkisë Sarandë, aktiviteti nisi ditën e parë me trajnimin informues mbi shkaqet, pasojat edhe njohjen me kuadrin ligjor të këtij fenomeni.
Ditën e dytë të rinjtë punuan për krijimet artistike, duke pasqyruar, nëpërmjet ngjyrave, linjave dhe kompozimeve dinamike, njohuritë e marra nga trajnimi i ditës së mëparshme.
Aktiviteti u finalizua me ekspozitën e përbashkët të nxënësve në qendër të qytetit, ku të rinjtë sarandiotë, përmes krijimtarive të tyre artistike, dhanë mesazhe të forta sensibilizimi dhe ndërgjegjësimi për parandalimin e trafikimit të qenieve njerëzore.

Albanian Coast Trip edicioni i 10-të mbyllet si çdo vit në Sarandë. Mbi 30 pilotë nga Çekia 🇨🇿,Zvicra 🇨🇭dhe Shqipëria 🇦🇱janë pjesë këtë vit e këtij tripi nga data 5-11 tetor. Eventi filloi në Velipojë dhe përfundon në Sarandë.
Pilotët përshkuan rreth 500 km vije bregdetare në fluturim.
Ditën e fundit pilotët nga Borshi fluturojnë drejt Sarandës,ku nën kujdesin e Bashkisê Sarandë do të organizohet darka e mikpritjes dhe ceremonia përmbyllëse e eventit,në të cilën do të ndahen edhe diplomat për garuesit dhe do të shpërndahen edhe uniformat zyrtare të eventit.

Kryebashkiakëve nga Shqipëria iu rezervua një pritje e posaçme nga Zv.Kryeministri i Parë i Kosovës z. Besnik Tahiri.
Në bashkëbisedimin me numrin dy të Qeverisë së Kosovës, u identifikuan fushat e bashkëpunimit mes Bashkive të Republikës së Shqipërisë dhe Komunave të Republikës së Kosovës, si një ndërveprim institucuional, por edhe si një mundësi ndërveprimi e shkëmbimi ekonomik, kulturor e social.
Gjatë takimit u fol për industrinë e turizmit, si mekanizëm i rëndësishëm për zhvillimin ekonomik të të dyja vendeve, ndërsa përballemi me pandeminë COVID-19.
Kryetarët e Bashkive të Shqipërisë shprehën mirënjohje ndaj autoriteteve të Kosovës dhe qytetarëve të saj për bashkëpunimin funksional në një kohë sfiduese, ndërkohë që diktuan nevojën e intensifikimit të shkëmbimeve turistike, në funksion të rritjes ekonomike në të dy vendet.

« ‹ të 6 › »