Lajme nga Saranda

Skuadra e “Butrinti”-t vijon paraqitjen mbresëlënëse në këtë sezon të ri, duke mos njohur humbje dhe barazime.

Në transfertën e sotme në Këlcyrë, “Butrinti” ka marrë një tjetër fitore të madhe.

Ekipi, i drejtuar nga tekniku Milto Gurma, ka triumfuar në sfidën e sotme me rezultatin e pastër 0-2, duke dalë nga kjo transfertë jo e lehtë, me pikët e plota.

Golashënuesit e sarandiotëve në këtë ndeshje ishin: Xhuloi Mirani dhe Thodhori, që vulosën shifrat në 0-2

Një sukses që e ngjit “Butrinti”-n në krye të tabelës, me 9 pikë të plota, me tri fitore radhazi.

Sfida e radhës do të jetë në stadiumin “Andon Lapa”, kundër Përmetit.

Shërbimet Sociale Bethany në bashkëpunim me Save the Children dhe Bashkinë Sarandë në kuadër të projektit ” Zhvillimi i Mbrojtjes dhe Kujdesit të Fëmijëve në Shqipëri” zhvilluan sot aktivitetin informues “Çdo fëmijë në familje”.
Aktiviteti pati si qëllim ndërgjegjësimin dhe informimin qytetar rreth shërbimit kaq të rëndësishëm për fëmijët pa kujdes prindëror.
Shërbimi i Kujdestarisë ka për qëllim parandalimin e institucionalizimit dhe de-institucionalizimin e fëmijëve nga institucionet rezidenciale dhe vendosjen e tyre për një periudhë të përkohshme në familje kujdestare ku i ofrohet një ambjent familjar i sigurtë, i ngrohtë dhe i dashur.
Duke u bërë pjesë e shërbimit të kujdestarisë ju mund të ndryshoni të ardhmen e një fëmije !