Rrugë për Sarandën

Është futur në procesin e tenderimit dhe së shpejti pritet të fillojë puna për ndëtimin e rrugës nr 1 Lëkurës – Kanali i Çukës, vepër në vlerën e rreth 462 milionë lekëve, me TVSH.

Rruga ka gjatësi 2.33 km, gjerësi 11 m, gjerësi të brezit të kalimit të automjeteve 8 m, me trotuare në të dy anët, si dhe të gjithë elementët e tjerë të nevojshëm të infrastrukturës rrugore.
Do të jetë një unazë panoramike e Sarandës, që lehtëson ndjeshëm fluksin e lëvizjes urbane, kryesisht gjatë sezonit turistik, Jep, në të njëjtën kohë, tjetër qasje, koncept e zhvillim për zonën ku ajo kalon.

Shërbime Publike sot, pas rreshjeve

Punonjësit e Shërbimeve Publike pastruan rrugët dhe hapësirat publike nga aluvionet dhe prurjet e ngurta, si pasojë e rreshjeve të rrëmbyeshme të ditës së sotme.

RIKONSTRUKSIONI I SHETITORES SË SARANDËS HYN NË NJË FAZË TË RE

Puna për rikonstruksionin e shetitores së Sarandës, ka hyrë këto ditë në një fazë të re.
Paralelisht me ecjen e punimeve në segmentin e parë të saj, ka nisur puna edhe në segmentin e dytë, që shtrihet nga Sheshi i Limanit deri në zadrën e notit, në afërsi të porti detar.
Bashkia ka vepruar për hapjen e sheshit të ndërtimit për rikonstruksionin e lotit të dytë, duke patur mirëkuptimin e biznesit, për heqjen e kioskave dhe lokaleve. Kjo ka mundësuar vendosjen e rrethimit të kantierit të ri, me rrjeta metalike, që shoqërohet me bllokimin e qarkullimit.
Puna ka nisur me pastrimin e nëndetit te limani i varkave të vogla, për të vijuar me zbatimin e detyrave të tjera të projektit, i cili parashikon edhe atje sistem shkallësh, shtrimin e tubacioneve të ujërave të zeza dhe zëvendësimin e tubacionit të ujit të pijshëm për këtë zonë.
Projekti parashikon gjithashtu rikualifikimin e pjesës së Bar Limanit, që prek investimi i ri, përfshi edhe kinemanë verore. Pjesë e projektit që do të zbatohet është edhe sistemimi me një koncept të ri i fasadave të objekteve përgjatë këtij segmenti të shetitores, rikualifikimin e hapëirave të gjelbra që shrtrihen në këtë zonë etj.
Sikurse dihet, rikontruksioni i shetitores në tërë gjatësinë e saj, pritet të përfundojë dhe të jetë gati për sezonin veror 2021.

Përmirësim i infrastrukturës Sarandë

Stola të rinj në sheshin “Europa’ në lagjen Kodër dhe pranë kryqëzimit të rrugëve “Onhezmi” me “Adem Sheme”.
Punë të vogla me shumë përkujdesje.